Programa Compostaxe Doméstica 2022 | Concello de Boiro

O Concello de Boiro vén de abrir un novo prazo de solicitude para participar no programa de compostaxe doméstica que comezou no ano 2019.

Con esta nova convocatoria vanse repartir un total de 130 novos composteiros cos que se pretende seguir reducindo os residuos que se depositan nos contedores xenéricos.

Mediante este programa, que comezou a realizarse no ano 2019, repartironse xa preto de 120 composteiros, repartidos en vivendas unifamiliares de todas as parroquias do municipio, e o obxectivo é que a cifra siga aumentando nos vindeiros anos. Durante o primeiro ano realizase un seguimento do uso que se fai dos composteiros, uns datos que nos indican que a maior parte dos restos depositalos son materia sobrante de cociña seguido de segaduras de horta. A información aportada polos usuarios do programa indica que o emprego de composteiros supón un aforro na xestión de entre 600 e 800 litros.

Esta nova adquisición de composteiros por parte do Concello de Boiro realizase maediante unha subvención da Consellería de Medio Ambiente, Territorio e Vivenda para o financiamento de actuacións en materia de biorresiduos de competencia municipal e que están cofinanciadas pola Unión Europea-Next Generation EU.

 

Solicitude e información

Departamento de Medio Ambiente do Concello de Boiro 

Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

981 37 75 85.

Consumo responsable de auga | Concello de Boiro

O Concello de Boiro informa da necesidade de consumo responsable da auga do abastecemento municipal. 

Primeiro.- Que nalgúns núcleos de poboación estanse sucedendo faltas de presión no abastecemento de Auga consecuencia do nivel de auga que presentan algún dos depósitos municipais en determinados horarios.

Segundo.- Que a Xunta de Galicia ven de manter, o pasado día 06 de xullo, a declaración de “SECA PROLONGADA” en toda a Demarcación Galicia-Costa, ante os baixos caudais que presentan os ríos, que a día de hoxe están un 25% por debaixo do seu nivel medio para esta época do ano.

Terceiro.- Que consultados os servizos técnicos e empregados municipais, estímase que o baixo nivel dos depósitos e a falta de presión débese a un consumo excesivo por parte dalgúns veciños e veciñas derivado de baldeos, rego en xardíns e acometidas non autorizadas. Algunha de estas situacións veñen provocadas polas altas temperaturas que se están a sufrir, e que se espera continúen nos próximos días.

Cuarto.- Que segundo establece o Regulamento xeral do servizo municipal de subministración de auga potable do Concello de Boiro do ano 2013, “as acometidas non autorizadas e os usos da auga non establecidos no contrato ou prohibidos conlevarán a sanción correspondente”

Quinto.- E por isto que rógase e recoméndase un uso responsable da auga municipal, evitando o rego de xardíns ou fincas agrícolas e baldeos coa agua da traída municipal. Así mesmo dende os departamentos municipais levarase a cabo nos próximos días un maior control si cabe da posible existencia de acometidas non autorizadas.

Sexto.- Con estas medidas téntase minimizar os efectos que a falta de auga pode provocar no abastecemento municipal. De persistir esta situación de seca e consumo non se descarta a necesidade do corte da subministración en determinados horarios.

San Xoán 2022 | Concello de Boiro

O Concello de Boiro abre o prazo para solicitude e comunicación de cacharelas de San Xoán 2022, que afecta a todas aquelas realizadas en terreos privados e en terreos públicos delimitados o día 23 de xuño, a  partir das 18.00 horas, e que deberán quedar perfectamente apagadas antes das 6.00 horas do día 24 de xuño. 

So se poderán realizar as cacharelas que teñan efectuada a comunicación por escrito ao Concello de Boiro antes do día 19/06/2022. 

As comunicacións deben presentarse no Rexistro Xeral do Concello de Boiro, aberto de luns a venres en horario de 9.00 a 13.30 horas, ou a través da sede electrónica. 

No caso das cacharelas que se realicen en terreo público delimitado a tal efecto, as persoas interesadas deben: 

1. Acudir ao departamento de Medio Ambiente do Concello de Boiro e recibir información sobre os lugares delimitados, medidas e responsabilidades. 

2. Solicitar o lugar delimitado escollido mediante o formulario dispoñible nesta web. 

Consulta o bando informativo aqui

 

Obradoiros Eco-lóxicos | Concello de Boiro

O Concello de Boiro colabora co Foro Ecolóxico de Boiro para o desenvolvemento dunha serie de obradoiros que se van levar a cabo no Mercado Eco-lóxico de Saberes e Sabores que se realiza os segundos e cuartos sábados de cada mes na Praza da Terceira Idade. 

Os obrdoiros desenvolveranse durante o verán, en horario de mañá, coincidindo co mercado. 

Os obxectivods deste programa de obradoiros son a difusión de valores sostibles dende unha perspectiva local, a promoción do mercado ecolóxico local e do Foro, a posta en valor do medio ambiente e a posta en valor dun estilo de vida local e sostible. 

 

PROGRAMA DOS OBRADOIROS 

Sábado 9 de xullo: elaboración de xabóns artesáns

- Aprender a reciclar aceite usado para facer xabon de limpeza e elaborar xabón de uso hixiénico. 

 

Sábado 23 de xullo: elaboración de bolsos con roupa 

- Darlle unha segunda vida útil a roupa vella. 

- Posta en valor da costura e o traballo manual. 

 

Sábado 13 de agosto: limpeza ecolóxica

- Aprender a usar elementos caseiro e non contaminantes para a limpeza e coidado do fogar. 

- Crear conciencia sobre o impacto de productos de limpeza no medio ambiente. 

 

Sábado 27 de agosto: obradoiro de cestería: 

- Posta en valor da arte da cestería. 

- Pota en valor do patrimonio social e cultural. 

 

Sábado 24 de setembro: charla "Que é un grupo de consumo ecolóxico?"

- Difundir os valores do foro ecolóxico.

- Explicar o funcionamento e razón de ser un grupo de consumo. 

 

 

Xornadas de herboloxía | Concello de Boiro

O Concello de Boiro, xunto co Instituto de Herboloxía Sarela, leva a cabo unhas xornadas de herboloxía no marco do programa “O bosque da familia e a memoria” que ten como obxectivo ofrecer actividades de coñecemento e recolección das herbas de San Xoán e tamén de outras plantas medicinais.

 

Recollida e coñecemento das herbas de San Xoán

Esta actividade ten como obxectivo coñecer cales son as plantas que se empregan para realizar as augas e como se realizan. A xornada contará cunha saída de campo recolectar as herbas.

Data: sábado 18 de xuño 

Hora: grupo 1 de 10.00 a 13.00 horas 

 

Xornadas de herboloxía 

Esta actividade teñen como finaliade o coñecemento de plantas tradicionais e mediciñais galegas e constará de tres xornadas. A primeira delas será unha presentación sobre as plantas que teñen uso terapéutico, a segunda xornada será unha saída de campo para coñecer todo o relativo ao cultivo e recolección de plantas e na última das xornadas explicarase o secado e tratamento para facer un herbario.

Lugar: Centro Social de Escarabote

Hora: de 11.00 a 13.00 horas 

1ª xornada: sabado 25 de xuño

2º xornada: sabado 9 de xullo

3ª xornada: sabado 23 de xullo

 

Inscricións

Do luns 23 de maio ao mércores 1 de xuño no Rexistro Xeral ou sede electrñonica do Concello de Boiro. 

O formulario de inscrición está dispoñible para a súa descarga nesta páxina.

Orde de preferencia segundo a idade. 

 

|