Actividades igualdade | Concello de Boiro

O Concello de Boiro, a través da área de Igualdade, promove un programa de actividades para desenvolver nos vindeiros meses.

 

O programa de actividades, denominado Miscelánea en movemento, engloba opcións moi diversas: 

Piragua dragón

Inicio o sábado 8 de outubro ás 10.00h no Club de Piragüismo. 

Non se precisan coñecementos previos. Actividade para todas as idades. 

Andaina da Serea até o Pazo de Goiáns 

Xoves 20 de outubro ás 10.00h dende o Concello. 

Andaina de 1h de duración e dificultade baixa. 

Inclúe visita guiada sobre mulleres reais e imaxinarias que habitaron o Pazo. 

Andaina muiñeira a Bealo 

Xoves 27 de outubro ás 11.00h desde o Café Casa do Demo. 

Andaina de 1h de duración e dificultade baixa.

Inclúe visita guiada ao muíño de Bealo da man da muiéira María Rey. 

Pilates

Sábado 22 de outubro ás 17.00h no pavillón de Barraña. 

Necesario levar colchoneta e manta. 

Actividade solidaria de Pilates Boiro en beneficio da AECC (prezo da inscrición 5 euros). 

Bolos tradicionais

Xoves 6 de outubro ás 17.00h no Campo de Bolos do Pazo de Goiáns. 

Actividade para todas as idades. 

Iniciación ao running 

Mércores 2 de novembro ás 17.00h. 

Non é preciso ter experiencia previa. 

 

* Todas as actividades terán servizo de conciliación con obradoiros simultáneos para rapaces e rapazas nos que se traballará de forma lúdica a través de actividades creativas, de movemento, manuais, de cociña e xogos, contidos relacionados coa igualdade, a sostibilidade e a prevención da violencia de xénero. 

 

Máis información e inscricións

Centro de Información á Muller (CIM) de Boiro 

981 37 75 59 

Este enderezo de correo está a ser protexido dos robots de correo lixo. Precisa activar o JavaScript para velo. 

Andaina solidaria "Boiro, en marcha contra o cancro" | 23 de outubro

O Concello de Boiro colabora coa andaina solidaria "Boiro, en marcha contra o cancro" que terá lugar o vindeiro 23 de outubro. 

A andaina constará dun percorrido duns 5 quilómetros, moi sinxelo para que calquera persoa poida participar, e que sairá ás 11.00 horas da Praza de Galicia, pasará polo núcleo da Boliña e o paseo do río Breiro ata o Paseo Marítimo, percorrerá o paseo do Estuario do Río Coroño e regresará á praza de Galicia.

Inscricións abertas

- Oficina de Turismo de Boiro

- Farmacia Ortopedia Ana Torrente

- Galería Sargadelos

- Modas Naty

- mesas da Asociación Española Contra o Cancro (martes e sábados na rúa peonil)

Aulas de educación para persoas adultas 2022-23 | Concello de Boiro

O Concello de Boiro abre o prazo de inscrición para as aulas de Educación Secundaria para persoas adultas para o curso 2022-2023 que desenvolve a Concellería de Educación. O prazo de presentación de solicitudes está aberto dende este xoves 8 de setembro e ata o 28 de setembro no Rexistro Xeral do Concello de Boiro.

Estas ensinanzas están destinadas a persoas maiores de 18 anos que non posúa o título da ESO e ofrecen a posibilidade de adquirir, actualizar ou complementar os coñecementos e aptitudes do alumnado para o seu desenvolvemento persoal e profesional. Entre os obxectivos específicos destas aulas están os de adquirir e actualizar a formación básica, mellorar a cualificación profesional, adquirir novos conceptos, técnicas e habilidades para unha adaptación ao mundo laboral actual.

Os cursos son cuadrimestrais e as aulas vanse desenvolver de luns a xoves en horario de 20.00 a 22.00 horas na Casa da Cultura de Boiro coa finalidade de que sexan compatibles coa vida laboral. Ofértanse un total de 50 prazas divididas no catro módulos: 1º, 2º, 3º e 4º; podéndose realizar dous módulos en cada curso escolar. Cada un dos módulos consta de diversos ámbitos: científico- tecnolóxico (matemáticas, bioloxía, física); ámbito lingüístico (galego, castelán, inglés ou francés) e o ámbito social.

Requisitos das persoas participantes 

Ter máis de 18 anos. 

Menores de 18 anos, se cumpren algún dos seguintes requisitos: 

- Non poder asistir regularmente a un centro ordinario na modalidade presentacial por enfermidade ou discapacidade física. 

- Estar interno nunha institución penitenciaria ou en réxime pechado nun centro de reeducación de menores baixo a custodia da Vicepresidencia de Igualdade e Benestar. 

- O alumnado que acredite cursar ou ter cursado un programa de garantía social. 

- Desempeñar unha actividade laboral xustificada con documentación fidedigna da empresa e a alta na seguridade social, ou acreditar o compromiso para realizar un contrato en prácticas nunha empresa. 

- Cando concorran outras circustancias de carácter extraordinario distintas das sinaladas anteriormente, a Delegación Provincial que corresponda poderá autorizar cursalas tras o informe favorable do Servizo de Ispección Educativa. 

 

Máis información

www.boiro.gal 

Casa da Cultura de Boiro 

educacióEste enderezo de correo está a ser protexido dos robots de correo lixo. Precisa activar o JavaScript para velo. 

981 84 84 25

Subvencións en especie para o comercio boirense - programa de modernización do centro comercial aberto

O Concello de Boiro convoca unha liña de axudas (subvencións en especie) para o comercio boirense ao abeiro do programa de modernización do Centro Comercial Aberto de Boiro financiadas con fondos Next Generation UE. 

O BOP núm. 176 do 15 de setembro de 2022 publica as bases da convocatoria, que se poden consultar aqui

 

Prazo e presentación de solicitudes

O prazo de presentación de solicitudes será de 10 días naturais a partir da publicación da convocatoria no Boletín Oficial da Provincia. 

As solicitudes deberanse realizar obrigatoriamente por medios electrónicos (boiro.sedelectronica.gal

 

Beneficiarios

  • Establecementos comerciais de Boiro. Deberá acreditarse que o establecemento comercial ten tenda física en Boiro ou no caso de ter soamente venta online o domicilio fiscal en Boiro.
  • Os comercios beneficiarios deben acreditar contar con algún dos seguintes epígrafes do IAE:

    • 645. Comercio polo miúdo de viños e bebidas de todas clases.

    • 651. Comercio polo miúdo de produtos téxtiles, confección, calzado, peles e artigos de coiro.

    • 652. Comercio polo miúdo de medicamentos, artigos de drogaría e limpeza, perfumaría e cosméticos.

    • 653. Comercio polo miúdo de artigos para o equipamento do fogar e a construción (agás 653.4).

    • 656. Comercio polo miúdo de bens usados tales como mobles, artigos e útiles ordinarios de uso doméstico.

    • 657. Comercio polo miúdo de instrumentos musicais en xeral, así como dos seus accesorios.

    • 659. Outro comercio polo miúdo.

    • 665. Actividades empresariais de comercio realizadas fóra do establecemento permanente: «comercio retallista por correo ou catálogo». No caso de comercio en liña, non será subvencionable a comercialización en liña de produtos ou servizos non comprendidos no ámbito de aplicación da Lei 13/2010, do 17 de decembro, do comercio interior de Galicia.

  • Establecementos, postos ou mesas da Praza de Abastos-Mercado Municipal do Concello de Boiro. Deberá acreditarse que o establecemento está situado no devandito emprazamento.

  • Establecementos de hostalería. Deberá acreditarse que o establecemento posúe localización física en Boiro.

  • Aloxamentos hoteleiros, pensións, campings e outros aloxamentos de semellante natureza que posúan localización física en Boiro.

O Concello de Boiro, previa solicitude motivada do interesado, pode aceptar a inscrición de comercios de outros epígrafes non incluídos neste listado.

 

Non poderán participar:

  • As empresas, establecementos comerciais, hostalería ou hoteleiros, outros de análoga natureza que non teñan o seu domicilio fiscal e localización física en Boiro.

  • As empresas-cadeas de gran distribución destinadas á alimentación (hipermercados).

  • As salas de xogo e apostas.

  • Todas aquelas empresas, establecementos, persoas xurídicas que posúan débeas con calquera administración.

 

Tipo de axudas 

Liña 1. Servizo posicionamento SEO gratuíto para aqueles beneficiarios que dispoñan de paxina web propia e oficial.

Liña 2. Servizo de entrega de bolsas reciclables: servizo de entrega gratuíto de bolsas reciclables para a entrega polas empresas aos seus aos clientes no momento de finalización da compra e entrega do produto/ben. As bolsas estarán serigrafiadas cos logotipos das entidades financiadoras e o eslogan “Boiro teno todo!”.

Liña 3. Servizo de entrega de envases compostables para a entrega de alimentos a clientes: entrega gratuíto de envases compostables para a entrega polas empresas aos seus aos clientes no momento de finalización da compra e entrega do produto/ben de alimentación.

Liña 4. Servizo de entrega de outros elementos reciclables: servizo de entrega gratuíto de outros envases e elementos reciclables para a entrega polas empresas aos seus aos clientes no momento de finalización da compra e entrega do produto/ben ou entrega do servizo e envases “take away”.

Liña 5. Servizo bono-transporte: servizo de desconto de gastos derivados de transporte de pedidos. Destinado a sector comercial.

Liña 6. Xornadas de formación en marketing dixital: servizo de formación gratuíto en marketing dixital. Destinado principalmente (prioridade na adxudicación) a sector comercial.

Liña 7. Outros servizos de uso de equipamentos: utilización taquilla automatizada de pedidos; utilización da biorrecicladora-maquina reciclable.

 

 

 

Programa Compostaxe Doméstica 2022 | Concello de Boiro

O Concello de Boiro vén de abrir un novo prazo de solicitude para participar no programa de compostaxe doméstica que comezou no ano 2019.

Con esta nova convocatoria vanse repartir un total de 130 novos composteiros cos que se pretende seguir reducindo os residuos que se depositan nos contedores xenéricos.

Mediante este programa, que comezou a realizarse no ano 2019, repartironse xa preto de 120 composteiros, repartidos en vivendas unifamiliares de todas as parroquias do municipio, e o obxectivo é que a cifra siga aumentando nos vindeiros anos. Durante o primeiro ano realizase un seguimento do uso que se fai dos composteiros, uns datos que nos indican que a maior parte dos restos depositalos son materia sobrante de cociña seguido de segaduras de horta. A información aportada polos usuarios do programa indica que o emprego de composteiros supón un aforro na xestión de entre 600 e 800 litros.

Esta nova adquisición de composteiros por parte do Concello de Boiro realizase maediante unha subvención da Consellería de Medio Ambiente, Territorio e Vivenda para o financiamento de actuacións en materia de biorresiduos de competencia municipal e que están cofinanciadas pola Unión Europea-Next Generation EU.

 

Solicitude e información

Departamento de Medio Ambiente do Concello de Boiro 

Este enderezo de correo está a ser protexido dos robots de correo lixo. Precisa activar o JavaScript para velo.

981 37 75 85.

|