Mercado Municipal
A actual Praza de Abastos é froito dunha importante transformación urbana realizada a finais do século XX e principios do século XXI (anos 2.000). O proxecto para construír unhas novas instalacións municipais tomou un impulso decisivo en 1999 cando a Xunta de Galicia concedeu ao Concello de Boiro 60 millóns de pesetas para financiar a construción do novo edificio.
O novo mercado integrouse nunha actuación de maior dimensión que transformou a Praza de Galicia, xa que o edificio pasou a acoller non só o mercado municipal, senón tamén o aparcamento e a Casa Consistorial. A zona comercial da nova praza dispón de aproximadamente 2.500 m² e supuxo un investimento próximo aos 687.000 euros, dos que arredor do 70 % foron financiados pola Consellería de Industria.
As novas instalacións comezaron a funcionar a principios de 2003. A actividade comercial xa estaba en marcha cando se produciu a inauguración oficial. O 6 de maio de 2003 inaugurouse oficialmente a nova Praza de Abastos de Boiro, tras case cen días de funcionamento. O recinto incorporaba 16 mesas destinadas á venda de peixe e 25 postos para diferentes produtos, quedando aínda dous postos pendentes de licitación nese momento.
A apertura foi considerada no seu momento unha actuación de referencia para Boiro e para a comarca do Barbanza. De feito, a nova infraestrutura contribuíu a impulsar procesos de modernización doutras prazas da comarca, como as de Noia, Muros, A Pobra, Rianxo ou Palmeira.
A identidade da Praza foi sempre máis alá dun simple lugar de compra. O mercado representa a conexión entre produtores, comerciantes e consumidores, especialmente arredor dos produtos frescos. Actualmente o Concello define o Mercado Municipal como un espazo destinado á venda de produtos locais e de proximidade, situado no mesmo edificio que a Casa Consistorial e con entrada pola rúa peonil Doutor Santos Mieites. Conta tamén cun espazo anexo destinado a eventos e exposicións.
Co paso dos anos, a Praza foi incorporando unha dimensión máis ampla. A intención xa non era unicamente facilitar a compra de produtos frescos, senón converter o mercado nun lugar de encontro e dinamización social.
Un exemplo significativo foi a creación en 2016 de “Tapeo no Mercado”, unha iniciativa que combinaba degustacións, gastronomía, showcooking, actividades infantís, exposicións e música. A finalidade explícita era converter a Praza nun “espazo vivo”, facendo que a súa actividade fose máis alá da simple adquisición de produtos.
Esta evolución levou ao Concello a buscar unha maior profesionalización e valorización da Praza. En 2021, o Concello iniciou os traballos coa Dirección Xeral de Comercio para conseguir o selo de Mercado Excelente, acompañado de actuacións de mellora dos servizos e acondicionamento das instalacións. A intención municipal era integrar aínda máis o mercado na vida social e comercial de Boiro.
En setembro de 2026 o Concello de Boiro, unha vez realizadas todas as obras e actuacións necesarias, solicita formalmente o Selo Mercado Excelente á Xunta de Galicia.
O sistema de cores da identidade visual do Mercado de Abastos de Boiro está directamente ligado á diversidade de produtos e actividades que forman parte da súa vida cotiá.
Cada cor identifica unha tipoloxía de posto, facilitando o recoñecemento das diferentes seccións do mercado e creando unha identidade visual común, clara e facilmente identificable:
- Vermello: carnes e produtos cárnicos.
- Azul: peixes e mariscos, en referencia directa ao carácter mariñeiro de Boiro.
- Verde: froitas e hortalizas, asociadas á natureza, á terra e ao produto fresco.
- Violeta: produtos téxtiles.
- Amarelo: flores e produtos relacionados coa floraría.
Deste xeito, a cor convértese nun elemento funcional da identidade do mercado que permite identificar os diferentes postos e, ao mesmo tempo, constrúe unha imaxe visual dinámica, diversa e recoñecible. Unha paleta que representa a variedade do mercado e a diversidade de produtos que nel podemos atopar.
A marca gráfica do Mercado de Boiro busca dotar o equipamento municipal dunha identidade propia e facilmente recoñecible. O símbolo, construído a partir da combinación das formas xeométricas e da inicial «B», establece unha conexión directa con Boiro e permite identificar visualmente o mercado en diferentes soportes.
A utilización dunha linguaxe gráfica sinxela, actual e facilmente reproducible facilita a súa aplicación na sinalización, nos postos, na comunicación dixital, nas campañas promocionais e nas diferentes actividades desenvolvidas no Mercado de Abastos.
Unha identidade común para un mercado que quere seguir medrando, innovando e formando parte da vida de Boiro.
- Como chegar
O Mercado Municipal do Concello de Boiro está situado no mesmo edificio da Casa Consistorial e ten a súa entrada pola rúa peonil (Doutor Santos Mieites), no que hai postos de venda de produtos locais e de proximidade e tamén un espazo anexo para a realización de eventos e exposicións.
Está adaptado a persoas con mobilidade reducida.
Conta con acceso directo desde o Aparcamento Municipal – Praza de Galicia.
- Localización
Rúa Doutor Santos Mieites, 2
- Horario de apertura
Na actualidade o Mercado Municipal de Boiro está aberto ao público de luns a sábado de 8.00 a 14.00 horas e os venres tamén en horario de tarde, de 18.00 a 21.00 horas.
POSTOS DO MERCADO MUNCIPAL DE BOIRO
Postos nº 2 e 3 // Carnicería Moncho Boga
Actividade comercial: Carnicería
Produtos que vende: tenreura, porco, polo, coello, productos de elaboración propia e salazóns
Horario de apertura: luns a sábado de 8.30 a 14.00 horas, venres tamén de 18.00 a 20.30 horas
Teléfono: 981 84 42 27
Posto nº 4 // Secreto Gallego
Actividade comercial: Vinoteca e delicatessen
Produtos que vende: viño, pastas licores, galletas...
Horario de apertura: 8.00 a 14.00 horas
Teléfono: 646 238 502 // 633 371 134
Posto nº 5 // Alecrín Arte Floral
Actividade comercial: venta de flor, arreglos, eventos, tanatorio, ramos
Produtos que comercializa: flor natural, flor artificial, plantas, semillas, centros.
Horario de apertura: luns a sábado de 9.00 a 14.00 horas e venres de 18.00 a 21.00 horas
Teléfono: 637 978 965
Posto nº6 // Carnicería O Jalo
Actividade comercial: venta de carne
Produtos que comercializa: elaborados de produción propia, salado caseiro, variedades de carne
Horario de apertura: luns a sábado de 9.00 a 14.00 horas e venres de 18.00 a 21.00 horas
Teléfono: 626 475 867 // 626 081 132
Posto nº 7 // Carnicería Marcial Giráldez
Actividade comercial: carnicería
Produtos que comercializa: variedade de carnes
Horario de apertura: de luns a sábado de 8.00 a 14.00 horas e venres de 18.00 a 21.00 hora
Teléfono: 653 849 783
Posto nº 8 // A horta de Cruz
Actividade comercial: alimentación
Produtos que comercializa: froitas e verduras
Horario de apertura: de luns a sábado de 8.30 a 14.00 horas
Teléfono: 670 30 03 73
Posto nº 9 // pescadería Paula
Actividade comercial: pescadería
Produtos que comercializa: pescado
Horario de apertura: de luns a sábado de 8.00 a 14.00 horas
Teléfono: 636 844 585
Posto nº 10 // Carnicería Carlos
Actividade comercial: carnicería
Produtos que comercializa: carnes
Horario de apertura: luns a sábado de 8.30 a 14.00 horas e venres de 18.00 a 21.00 horas
Teléfono: 981 84 58 16
Posto nº 11-12 // Ultramarinos Marita
Actividade comercial: ultramarinos
Produtos que comercializa: variedade de productos
Horario de apertura: de luns a sábado de 8.00 a 14.00 horas
Teléfono: 646 238 502 // 633 371 134
Posto nº 13 // frutería Cristina
Actividade comercial: froitaría
Produtos que comercializa: froitas, verduras, legumes, galletas e viño
Horario de apertura: de luns a venres de 8.00 a 14.00 horas
Teléfono: 649 851 490
Posto nº 14 // Congelados Digna
Actividade comercial: conxelados e bacalao salgado
Produtos que comercializa: merluza, calamares, bacalao, langostinos
Horario de apertura: de luns a sábado de 8.00 a 14.00 horas e venres de 18.00 a 21.00 horas
Teléfono: 667 405 699
Posto nº 15 // Cafetería Ría de Arousa
Actividade comercial: restauración
Produtos que comercializa: cafés e bebidas
Teléfono: 653 296 602 // 653 296 603
Posto nº 16 // Pescados Mili
Actividade comercial: peixería
Produtos que comercializa: peixes e mariscos
Horario de apertura: de luns a venres de 8.00 a 14.00 horas
Teléfono: 666 457 364
Posto nº 18-19 // Pescados y Mariscos Paisana
Actividade comercial: venta ao detalle a por menor de pescado e marisco
Produtos que comercializa: peixes e mariscos galegos
Horario de apertura: de luns a sábado de 8.00 a 14.00 horas e venres de 18.00 a 21.00 horas.
Teléfono: 648 474 978
Web: www.pescadosymariscospaisana.com con venda de productos online
Mail: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.
Posto nº 20 e 25 // Flores Marimar
Actividade comercial: comercio ao por menor de flores e outros artigos de floristería
Produtos que comercializa: flores, plantas e accesorios
Horario de apertura: de luns a sábado de 9.00 a 14.00 horas e venres de 18.00 a 21.00 horas
Teléfono: 629 729 976 // 639 892 224
Posto nº 23 // Irene Ríos Sánchez
Actividade comercial: peixaría
Produtos que comercializa: peixes e mariscos
Horario de apertura: de luns a sábado de 8.00 a 14.00 horas
Teléfono: 628 378 761
Posto nº 24 // Pescados Marita
Actividade comercial: peixaría
Produtos que comercializa: pescados
Horario de apertura: de luns a venres de 8.00 a 14.00 horas
Teléfono: 656 984 435
Posto nº 28 // Bacalao Teira
Actividade comercial: alimentación
Produtos que comercializa: bacalao
Horario de apertura: de luns a sábado de 9.30 a 14.00 horas
Teléfono: 697 837 820 // 666 188 089
Posto nº 31 // La tienda del bacalao
Actividade comercial: alimentación
Produtos que comercializa: bacalao e embutidos
Horario de apertura: de martes de 8.30 a 14.00 horas
Teléfono: 647 847 461
Novas relacionadas
- El mercado boirense es inclusivo y fomenta el uso del gallego
- La plaza de abastos de Boiro, a por el sello de excelencia
