Mercado da Serea

DATA: Sábado 19 de xuño

HORARIO: 11-21h

LUGAR: Exteriores do Pazo de Goiáns

Escolleuse este entorno por ser un espazo fortemente vinculado ao pobo de Boiro, polo seu valor histórico, cultural e arquitectónico  e polo entorno natural en que está inmerso.

A SEREA, figura escollida para dar nome ao Mercado, pola vinculación dos Mariño co Pazo de Goiáns e pola fermosa lenda da serea de Sálvora (1). Aínda que non se conserva, había unha serea na emblemática fonte do xardín.

OBXECTIVO:

Xerar un espazo de oportunidades para  profesionais do mundo da artesanía, as artes e o deseño onde se visibilice o traballo e talento creativo e innovador de artistas e profesionais da artesanía, especialmente de Boiro e comarca.

AFORO: total 300 persoas

PROGRAMACIÓN:

  • MERCADO DE ARTESANÍA: o 20 postos: dos cales, 5 de Boiro e 2 máis da comarca.
    • Diferentes produtos: ilustración, xoiería, roupa de autora, complementos, cerámica, coiro, estampación, instrumentos musicais, escultura e cervexa artesanal.
    • Criterios que se tiveron en conta:
      • Os requisitos dos postos e a pertenza ao Concello ou comarca, o contar ca carta de artesanía de Galicia, así como a calidade, innovación e características dos produtos.
      • No caso dos postos de gastronomía, contar con selos de calidade. ü Equilibrio de participación por oficios e produtos.

 Acceso sen inscrición previa

  • OBRADOIROS PATROCINADOS POR ARTESANÍA DE GALICIA:

o Cianotipia: técnica artesanal de impresión de negativos en monocromo (cian) . Imparte María José Martínez

o Gyotaku: Técnica tradicional xaponesa de estampación con peixes. Imparte María José Martínez

o Estampación: Creación de selos e estampación en tecidos. Imparte Sandra Betanzos de Amorote

 Acceso sen inscrición previa (acceso segundo aforo do momento)

  • EXPOSICIÓN DA ARTISTA PAOLA MAGALI

o Grafitti 

 Acceso sen inscrición previa

  • CONCERTOS (grupos locais) o 12:30h Mallou o 19:30h The cuncas

 Acceso con inscrición previa (aforo 100 persoas). Poderase facer un máximo 6 persoas por reserva. o Organizarase ás persoas asistentes en mesas segundo as reservas realizadas. 

The Cuncas https://forms.gle/w347LQ6BXfpvKwYh6 

Mallou https://forms.gle/kiSaHm49QA7EjeWP8

POSTOS PARTICIPANTES:

  • Milena joyas
  • Deica Creacións
  • Arco da vella
  • Amorote
  • Jatafarta
  • Conloquetengo
  • Salsa Gaucha
  • Os Alegres
  • Alén das olas
  • Xurelo asmático
  • Redeiras Illa da Estrela
  • Tejeluz
  • Imprimitresde  
  • Da ría Luv
  • Carracuca
  • Jardinería Espiñeira
  • Pedras de papel
  • Raposiñas 
  • Guitarras Vieites
  • Cervexas Meiga

 

 

Campamento Verán 2021 | Concello de Boiro

A Concellería de Educación do Concello de Boiro organiza o Campamento de Verán 2021, que se desenvolverá dende o 1 de xullo ao 30 de agosto nas instalacións do CEIP Santa Baia.

O campamento está dirixido a nenas/os de 3 anos (escolarizados) ata 12 anos. A preinscrición realizarase no rexistro xeral do Concello de Boiro (aberto de luns a venres en horario de 09:00 a 13:30h) ou a través da sede electrónica dende o 9 ata o 14 de xuño (ás 13.30h).

Os servizos que ofrece o campamento de verán son:

Boiro Madruga (de 8.00h a 10.00h). Prezo 20 euros/mes - 20 prazas (será necesario cubrir un número mínimo de 10 prazas para a súa realización)

Campamento Verán (de 10.00h a 14.00h). Prezo 90 euros/mes - 70 prazas (7 prazas serán reservadas para emerxencia social)

Boiro Madruga + Campamento Verán (de 8.00h a 14.00). Prezo 100 euros/mes

 

Servizo de Comedor (de 14.00h a 15.00h)

*Servizo ofrecido en colaboración coa ANPA Torre de Goiáns do C.E.I.P Santa Baia a través da empresa Chicolino Restauración. 

 

Podes consultar a información detallada sobre o campamento e os modelos de solicitude nesta páxina. 

Publicada a lista provisional de admitidos-as no Campamento de Verán e Boiro Madruga, que podes consultar aqui

Alegacións: contarán ata o 24 de Xuño para facer alegacións (A lista definitiva publicarase o 25 de xuño)

Data de pago e entrega de documentación: do 25 ao 29 de Xuño -Deben cubrir a folla de autoliquidación a través da sede electrónica do concello de Boiro.

- Unha vez cuberta a folla de autoliquidación deben imprimir os 3 exemplares cubertos e facer o ingreso no banco.

- Unha vez efectuado o ingreso, deben entregar na Casa da Cultura de Boiro o exemplar para á administración axuntando a aceptación da normativa xeral do servizo de Campamento e Madrugadores Boiro.

*No caso de renuncia solicitase que o comuniquen no Departamento de Educación sito na Casa da Cultura de Boiro ou no teléfono 981848425 (Elena/Pitusa).

 

 

Campaña Liberdade de Ser e Sentir | 28 de xuño

O Concello de Boiro participa un ano mais coa campaña Liberdade de Ser e Sentir que impulsa a área de Igualdade da Dputación da Coruña con motivo do día da diversidade sexual. 

Esta iniciativa, que combina a presencialidade e o formato dixital, ten como obxectivo ofrecer contidos de sensibilización sobre a importancia da tolerancia e a igualdade das persoas, con independencia da súa orientación sexual e identidade de xénero, con motivo do día da diversidade sexual que se conmemora cada 28 de xuño.

As actividades que se van desenvolver este ano son contacontos infantís e pílulas divulgativas en formato dixital, materiais didácticos, xogos interactivos e a celebración dunha palestra na as entidades de diversos colectivos abordarán os retos de futuro da diversidade sexual. Todos estes contidos poderán visualizarse a través das redes sociais e páxina web do Concello de Boiro durante o mes de xuño.

Todos os contidos están dispoñibles en seresentir.gal 

 

 

 

Feira Eco-lóxica de Saberes e Sabores

O Concello de Boiro retoma o mercado de produtos locais e de proximidade que se viña celebrando de xeito puntual no municipio. A feira Eco-lóxica, de Saberes e Sabores, vaise levar a cabo os segundos e cuartos sábados do mes, iniciando o vindeiro día 12 de xuño, na praza da Terceira Idade. 


O obxectivo do Concello de Boiro é potenciar o mercado de produtos de proximidade, dándolle continuidade a unha feira que se viña realizando en Boiro, para crear sinerxías entre este sector e o comercio e a hostalaría do municipio. A feira vaise celebrar os segundos e cuartos sábados do mes, na praza da Terceira Idade detrás do Centro Social e vai comezar o vindeiro 12 de xuño.


Cada vez son mais as persoas que mercan e consumen produtos locais de proximidade, polo que é moi importante que exista no municipio un punto de venta concreto e estable no tempo para a súa comercialización e dar resposta á demanda das persoas compradoras. 


Na primeira xornada da feira vanse instalar 17 postos, entre os que hai artesanía, produtos da horta e establecementos de segunda man. Os postos van estar instalados dende as 10 a 14 horas e haberá un obradoiro impartido por Cruz Vermella, unha actuación musical e sesión vermú con pulpeira.

 

"Mere-cidamente" Mere clown 

O 12 de xuño haberá unha actuación de Mere clown na contorna da feira. 

Podes inscribirte na actividade no seguinte formulario web: 

https://docs.google.com/forms/d/e/1FAIpQLSeOehfPHRCOxu2mHW4no2dyL5_b1axICrO4IhlGNajetGNP1g/viewform 

Visitas guiadas ao Pazo de Goiáns

O Concello de Boiro, no marco da programación prevista para celebrar o Día das Letras Galegas, organiza unhas visitas guiadas ao Pazo de Goiáns para que a veciñanza poida coñecer como avanzan as obras de rehabilitación do inmoble. As visitas vanse organizar os días 16 e 17 de maio e serán para grupos reducidos e con reserva previa. O prazo para a reserva de entradas abrirá este martes.

Os grupos para a visita van ser reducidos e seguindo todas as medidas de seguridade esixidas para a prevención da Covid-19 e as persoas interesadas van poder coñecer o estado de execución das obras dentro do inmoble e ver tamén as tarefas de acondicionamento que se están a realizar nos xardíns.

O número de prazas dispoñibles para a visita é de 200, repartidas en grupos reducidos no horario previsto para garantir que se cumpran todas as medias de seguridade restricións da Covid-19. Non se vai permitir o acceso sen cita previa nin realizar a visita en horas distintas ás que a persoa está inscrita.

 

Horario das visitas (con reserva previa)

Domingo 16 de maio - de 11:00 a 14:00 horas e de 17:00 a 20:00 horas

Luns 17 de maio - de 11:00 a 14:00 horas

 

Inscrición

PRAZO PECHADO (abre ás 09:00 horas do 11/05/2021) 

Para participar nas visitas requírese inscrición previa, que se pode facer a partir deste martes día 11 de maio ás 09:00 horas e ata o xoves 13 de maio ás 14:00 horas. 

As inscricións poden facerse de forma telemática, no formulario dispoñible na páxina do Centro Arqueolóxico do Barbanza (centroarqueoloxicodobarbanza.org) ou vía telefónica na Oficina de Turismo do Concello de Boiro, no 981 84 26 54.

 

|