Licitación das autorizacións para instalación de atraccións feirais e postos nas festas do verán 2025 | Concello de Boiro
O Concello de Boiro saca a licitación as autorizacións para a ocupación de dominio público municipal para a instalación de atraccións de tipo mecánico e eléctricas, tómbolas e xogos de azar así como postos de venda con motivo das Festas do Verán 2025.
O criterios de adxudicación serán sobre oferta económica mediante poxa en sobre pechado.
A documentación a presentar e toda a información está especificada no prego de condicións, dispoñible AQUI.
Prazo e presentación de solicitudes
As solicitudes deberán presentarse no Rexistro Xeral do Concello de Boiro ou mediante correo postal entre o 10 e o 16 de xuño.
Duración da ocupación
Con carácter xeral as instalacións poderán iniciar a montaxe o 1 de xullo a partir das 16:00
horas, e comezarán a súa actividade o 4 de xullo de 2025 ás 18:00 ata a madrugada do día 9 ao día 10 de xullo de 2025.
No caso de que desexen permanecer ata o 10 de xullo inclusive, o denominado “día do/da
neno/a”, imponse como condición complementaria que as atraccións teñan un custo do 50% do custo correspondente ao período que vai do 04/07/2025 ata o 09/07/2025
A retirada producirase nos 2 días seguintes ao 09 de xullo de 2025, de tal xeito que ás 24:00 horas do día 11 de xullo o dominio público atoparase expedito de calquera ocupación e en condicións óptimas.
O Concello de Boiro habilita un espazo para as autocaravanas, situado no recheo que conecta as rúas María Mariño e Empresario Jesús Alonso.
