O Concello de Boiro, mediante a Concellería de Ensino, abre o prazo de inscrición para as aulas de Educación Secundaria de Persoas Adultas para o curso 2024-2025 e que se van desenvolver na Casa da Cultura de Boiro en horario de 20.00 a 22.00 horas.
Estas ensinanzas están destinadas a persoas maiores de 18 anos que non posúan o título da ESO e ofrecen a posibilidade de adquirir, actualizar ou complementar os coñecementos e aptitudes do alumnado para o seu desenvolvemento persoal e profesional. Entre os obxectivos específicos destas aulas están os que adquirir e actualizar a formación básica, mellorar a cualificación profesional, adquirir novos conceptos, técnicas e habilidades para unha adaptación ao mundo laboral actual.
A aula de persoas adultas do Concello de Boiro está adscrita ao IES San Clemente de Santiago de Compostela, desprazándose o profesorado do centro a Boiro para as avaliacións. Os cursos son cuadrimestrais e o horario das clases será de luns a xoves de 20.00 a 22.00 horas na Casa da Cultura de Boiro co obxectivo de que sexan compatibles coa xornada laboral.
Ofrécense un total de 50 prazas en catro módulos: 1º, 2º, 3º e 4º, podéndose realizar dous módulos en cada curso escolar e cada un dos módulo consta de diversos ámbitos: científico-tecnolóxico (matemáticas, bioloxía, física), ámbito lingüístico (galego, castelán, inglés ou francés) e o ámbito social.
Requisitos das persoas participantes
Ter máis de 18 anos.
Poderán matricularse menores de idade, cando acrediten suficiente e documentalmente algunha das seguintes circunstancias:
- Non poder asistir regularmente a un centro ordinario na modalidade presencial por enfermidade ou discapacidade física.
- Estar interno nunha institución penitenciaria ou en réxime pechado nun centro de reeducación de menores baixo a custodia da Vicepresidencia da Igualdade e Benestar.
- O alumnado que acredite cursar ou ter cursado un programa de garantía social.
- Desempeñar unha actividade laboral xustificada con documentación fidedigna da empresa e a alta na seguridade social, ou acreditar o compromiso para realizar un contrato en prácticas nunha empresa.
- Cando concorran outras circunstancias de carácter extraordinario distintas das sinaladas anteriormente, a Delegación Provincial que corresponda poderá autorizar cursalas tralo informe favorable do Servizo de Inspección Educativa.
Prazo e presentación de solicitudes
As solicitudes deberán presentarse no Rexistro Xeral ou sede electrónica do Concello de Boiro entre o 9 e o 25 de setembro
Para novas matrículas: ANEXO I e copia do DNI
Para continuidade de estudos: ANEXO II
O Parque da Cachada acolle os días 26, 27 e 28 de xullo unha nova edición da concentración moteira Boiromotos 2024 con concertos, exhibicións, concursos, gastronomía e moitas máis actividades.
PROGRAMA:
Venres 26 de xullo
17.00h - apretura de inscricións
17.00h - inchables para nenos e nenas con monitores, futbolins...
18.00h - adestramentos e recoñecemento do terreo de coches Radio Control CRAWLER a cargo do Club Barbanza 4x4 Sport R.C.
22.00h - cea para inscritos nas instalacións acondicionadas a cargo de Catering ARELAS
23.00h - verbena amenizada no recindo polo grupo El despertar del silencio e sesión con Dj Tito Maverik e Dj Places
23.30h - toro mecánico
Sábado 27 de xullo
9.00h - almorzo para inscritos
10.30h - apertura de inscricións
11.00h - exhibición de motos oldies e clásicas durante toda a xornada a cargo de Old School Galician e Arousa Team
12.00h - curso de seguridade vial para nenos e nenas con monitores
- inchables
- adestramentos e recoñecemento do terreo de coches Radio Control CRAWLER a cargo do Club Barbanza 4x4 Sport R.C.
12.45h - mexilloada con música do grupo tradicional Arume
14.15h - comida para inscritos
16.30h - urso de seguridade vial para nenos e nenas con monitores
- exhibición e proba de coches Radio Control CRAWLER a cargo do Club Barbanza 4x4 Sport R.C.
- tiro de corda, carreira de tablas, carreira de sacos, xogo da silla
- inchables para nenos e nenas con monitores, futbolins...
- concurso de motos oldies
- concurso de coches clásicos
19.30h - exhibición de Stunt a cargo dos pilotos Exhibiciones 666 e Pichu
22.30h - cea para inscritos
23.45h - verbena amenizada por Dj Tito Maverik e DJ Places
03.00h - show lavamoto
Domingo 28 de xullo
9.00h - almorzo para inscritos
11.45h - exhibición Stunt a cargo do piloto Pichu
12.30h - pinchada con musica tradicional aberta ao público
14.15h - comida para inscritos
