O Concello de Boiro vai levar a cabo unha nova edición do Obradoiro de Emprego medioambiental Torre Goiáns III – Boiro, para o que recibe unha subvención da Consellería de Promoción do Emprego e Igualdade unha subvención por importe de 531.046,20 euros.
A formación de nivel 2 estará dividida en dúas especialidades con 10 alumnos/as en cada unha. Por un lado vaise impartir a especialidade de Instalación e mantemento de xardíns e zonas verdes e por outro a de Repoboacións forestais e tratamentos silvícolas.
O alumnado participante formarase de xeito teórico e tamén práctico, para iso contará cun contrato de traballo para formación e aprendizaxe a tempo completo de 40 horas semanais cun horario de 7.30 a 15.30 horas durante 12 meses.
Os traballos a desenvolver son:
- Prevención de incendios forestais en Monte Peón
- Prevención de incendios forestais en Monte do Sino
- Prevención de incendios forestais na zona verde dos castros de Neixón
- Tarefas de conservación e valorización do Camiño “A Orixe”
- Mantemento e conservación da zona verde do Pazo de Goiáns
- Axardinamento das rotondas de acceso ao Polígono de Espiñeira
- Acondicionamento do xardín da Praza de Galicia
Para participar neste obradoiro dual de emprego, as persoas interesadas deben estar inscritas como demandantes de emprego na Oficina de Emprego e solicitar ‘taller de emprego’.
Consulta as bases do proceso selectivo para a contratación do alumnado do Obradoiro de Emprego AQUI.
O Concello de Boiro convoca unha liña de axudas destinadas a empresas e persoas empregadoras para a contratación do alumnado traballador participante no Obradoiro de Emprego en xestión forestal Torre Goiáns II - Boiro.
O BOP número 171 do 7 de setembro de 2023 publica a convocatoria das subvencións.
Consulta as bases AQUI.
A finalidade destas subvencións é incentivar a contratación temporal por conta allea e facilitar a empregabilidade e ocupabilidade das persoas participantes no obradoiro dural d emprego en xestión forestal que desenvolve o Concello de Boiro durante a anualidade 2022-2023.
Poderán ser beneficiarias destas axudas as perosas empregadoras e empresas, calquera que sexa a forma xurídica que adopten.
O importe destinado a estas axudas é de 30.000 euros, cos que se incentivarán os contratos de traballo temporais cunha subvención fixa de 1.500 euros por traballador.
Requisitos das entidades beneficiarias
- Incorporar á persoa nun posto de traballo directamente relacionado coa formación impartida no Obradoiro.
- Manter ao persoal contratado por un período mínimo de 3 meses a tempo completo.
- Realizar a contratación nos quince días seguintes á finalización do curso.
Prazo e presentación de solicitudes
As solicitudes deberán presentarse no Rexistro Xeral do Concello de Boiro nun prazo de 15 días naturais a contar dende o día seguinte ao da publicación da convocatoria no BOP.
