O Concello de Boiro pon en marcha a Aula Mentor no Centro Social de Boiro, unha iniciativa de formación aberta, flexible e a distancia que permite á cidadanía ampliar os seus coñecementos, adquirir novas competencias e avanzar no seu desenvolvemento persoal.
A Aula Mentor é un programa de formación aberta e flexible do Ministerio de Educación, Formación Profesional e Deportes en colaboración con outras institucións que ten como obxectivo ofrecer formación a distancia para mellorar a cualificación das persoas adultas e promover o desenvolvemento das súas competencias persoais e profesionais.
Esta proposta ofrece un amplo catálogo de cursos organizados en diferentes áreas formativas e itinerarios que permite acreditar estándares de competencia. Trátase de cursos que non esixen requisitos previos de matriculación e que esta sexa flexible durante todo o ano.
Os cursos teñen unha duración estimada de dous meses e as persoas participantes contan cunha plataforma virtual con acceso aos materiais de estudo, actividades e recursos adicionais; ademais de apoio e titorías individualizadas.
Mais información
Centro Social de Boiro
https://aulamentor.es/
O Concello de Boiro, a tavés do departamento de Medio Ambiente, desenvolve unha nova edición do programa de Compostaxe Doméstica co reparto de 40 novos composteiros en vivendas unifamiliares do municipio.
A adquisición destes novos composteiros realizouse mediante unha subvención das Consellería de Medio Ambiente e Cambio Climático para o financiamento de actuacións dirixidas a incrementar a ecoeficiencia na xestión dos residuos de competencia municipal, cofinanciadas pola Unión Europea no marco do programa Galicia Feder 2021-2027.
O programa de Compostaxe Doméstica comezou no ano 2019 e, gracias a el, repartironse xa 450 composteiros en vivendas unifamiliares do municipio, fomentando a separación e valorización dos residuos orgánicos nos fogares, fomentar hábitos responsables e avanzar cara un modelo de xestión dos residuos máis sostible.
Inscricións e información
Departamento de Medio Ambiente do Concello de Boiro
Este enderezo de correo está a ser protexido dos robots de correo lixo. Precisa activar o JavaScript para velo.
981 377 585