I Feira de Emprego do Barbanza | Concello de Boiro

O Concello de Boiro organiza a I Feira de Emprego do Barbanza que terá lugar os días 20 e 21 de abril de 2023 no Centro de Formación e Viveiro de Empresas de Espiñeira. 

O obxectivo destas xornadas será acoller estratexias en materia de formción e seleción e promover e facilitar a relación entre o tecido empresarial e as persoas demandantes de emprego, así como dara a coñecer as principais estratexias que, en materia de formación e selección, se están a levar a cabo por parte das organizacións empresariais máis representativas da zona. 

 

As inscricións para demandandes de emprego que queiran paarticipar nos talleres e empresas interesadas en participar deben formalizarse AQUI

 

PROGRAMA 

Xoves 20 de abril 

9.30h - recepción dos asistentes e apertura 

10.00h - foro "Eixes de desenvovlemento económico do Barbanza"

11.30h - pausa café 

12.00h - foro "Estratexias en materia de formación e emprego" 

 

Venres 21 de abril 

9.30h - apertura de portas 

10.00h - taller "Búsqueda activa de emprego" 

11.00h - taller "Emprendemento, autoemprego e creatividade" 

12.00h - taller "Orientación profesional" 

13.00h - taller "Inserción laboral de persoas con discapacidade e en risco de exclusión"

 

Programa Integrado de Emprego do Concello de Boiro 2022/2023

O Concello de Boiro, coa colaboración do Concello da Pobra do Caramiñal, desenvolve unha nova edición do Programa Integrado de Emprego que se vai desenvolver no Centro de Formación e Viveiro de Empresas de Espiñeira durante o ano 2022/2023. 

A formación inclúe formación en fundamentos básicos de cociña, de limpeza, elaboración de pezas cárnicas, operacións básicas de caixa e atención ao cliente, carretilla elevadora e xestión de almacén, plan de márketing, comercio electrónico, márketing online, contabilidade e nóminas, office, manipulador de alimentos, inglés...


O programa inclúe un servizo de medidas de conciliación para facilitar a asistencia ás actividades, apostando polas novas tecnoloxías para reducir a presencialidade, adaptación horaria, flexibilidade e adaptación segundo as necesidades das usuarias.

Consulta o programa formativo íntegro aqui

 

Requisitos das persoas aspirantes

Estar inscrito como demandante de emprego, asiganación do código 930. 

Exclusivo para mulleres. 

 

Máis información

Centro de Formación e Viveiro de Empresas de Espiñeira 

Este enderezo de correo está a ser protexido dos robots de correo lixo. Precisa activar o JavaScript para velo. 

659 247 963

650 042 409

 

 

Programa Integrado de Emprego 2021-2022 | Concello de Boiro

O Concello de Boiro pon en marcha unha nova edición do Programa Integrado de Emprego 2021-2022. Trátase dun programa formativo, subvencionado pola Consellería de Emprego e Igualdade da Xunta de Galicia mediante fondos finalistas transferidos polo Servizo Público de Emprego Estatal, dirixido a 100 mulleres desempregadas e inscritas como demandantes de emprego.

É o terceiro ano consecutivo que o Concello de Boiro desenvolve este programa, que ten como obxectivo ofrecer ás participantes accións formativas coa finalidade de lograr unha saída profesional adaptada aos seus obxectivos individuais. A duración do programa é de 12 meses e vaise desenvolver no Viveiro de Empresas e Centro de Formación situado en Espiñeira. O Programa Integrado de Emprego 2021-2022 conta con módulos formativos en hotelería e restauración; en administración e finanzas e en industria alimentaria, podendo escoller as asistentes o que mellor se adapte ás súas inquedanzas. Ademais da formación específica, o programa conta tamén con módulos transversais orientados á inserción laboral e mellora das habilidades necesarias para o emprego.

As persoas participantes recibirán unha bolsa de asistencia, consistente nunha axuda de 7 euros por día pola asistencia ás diferentes accións do programa. Para fomentar a conciliación e favorecer a participación no Programa vaise levar a cabo unha aposta polo uso das novas tecnoloxías combinando a formación presencial coa online para favorecer a conciliación laboral e familiar.

Información e inscricións 

Inscrición como demandantes de emprego na Oficina de Emprego e solicitar a asignación do código 930. 

Este enderezo de correo está a ser protexido dos robots de correo lixo. Precisa activar o JavaScript para velo. 

689 247 963

650 042 409 

 

Obradoiro de Emprego xestión forestal Torre Goiáns II - Boiro | Concello de Boiro

O Concelo de Boiro realiza unha nova edición do Obradoiro de Emprtego en xestión forestal Torre Goiáns II - Boiro durante o curso 2022-2023 que se desenvolve co financiamento da Consellería de Emprego e Igualdade. 

O programa conta con formación teórica e práctica dividida en dúas especialidades "Aproveitamentos forestais" e "Repoboaciónns forestais e tratamentos silvícolas" e o alumnado cursará a parte práctica da formación en espazos naturais do concello como son a contorna do Pazo de Goiáns, do Centro Arqueolóxico situado en Neixón, tramos do camiño "A Orixe", o Monte Peón e Monte do Sino. 

Vaise facer unha contratación de 20 alumnos e alumnas a tempo completo, 40 horas semanais, durante 12 meses e con horario de 7.30 a 15.30 horas. 

 

Para inscribirse as persoas interesadas deben darse de alta como demandantes de emprego na Oficina de Emprego e solicitar "taller de emprego". 

 

Máis información

Oficina de Orientación Laboral do Concello de Boiro 

Este enderezo de correo está a ser protexido dos robots de correo lixo. Precisa activar o JavaScript para velo.

981 84 26 09

 

Emprego: Inclusión nas listas de xerocultor/a e PSX

O servizo de Orientación Laboral do Concello de Boiro informa da apertura de novas listas para o nomeamento de persoal funcionario interino do corpo auxiliar de Administración Xeral da Comunidade Autónoma de Galicia. 

As persoas interesadas deben presentar a documentación a través da sede electrónica da Xunta de Galicia antes do 20 de decembro de 2021.

 

Documentación que se debe presentar

- Solicitude de inscrición 

- Xustificante de ter aboadas as taxas administrativas

- Certificado ou documento equivalente ao Celga 3

- Cestificado de discapacidade igual ou superior ao 33% 

 

Mais información

Servizo de Orientación Laboral do Concello de Boiro 

Tel. 981 84 26 09

Este enderezo de correo está a ser protexido dos robots de correo lixo. Precisa activar o JavaScript para velo. 

Subcategorías

|